|
بو سند ٫ مجليس دئپوتاتي و آوروپا شوراسي پارلامئنتي عوضوو اولان رافائل حوسئينوف طرفيندن حاضيرلانيب و آذربايجان٫ ايتالييا٫ بئلچيكا٫ ماجارسيتان٫ ايسپانييا٫ پولشا٫ ليتوا٫ توركييه٫ اوكراينا و گورجوستانين (ليبئرال-دئموكراتيك-رئفورميست٫ آوروپا خالقي پارتيسي٫ دئموكراتيك آوروپا٫ آوروپانين بيرلشميش سولو٫ و سوسيياليست گوروپلارينا باغلي) بير سيرا دئپوتاتينين ايمضاسيني داشيماقدادير. قونو: "ايراندا (جنوبي آذربايجاندا) ياشايان ٣٠ ميليون آذربايجانلينين آنا ديللرينده تحصيل آلما ايمكانيني الده ائتمه پروبلئمي"
سند: ٩٧١٠ ١٩٠ ايل بوندان قاباق٫ ايرانلا روسييا آراسينداكي ساواشين سونوجو اولاراق و ١٨١٣ نجو گولوستان و ١٨٢٨ نجي توركمانچاي آنلاشمالاري گره يي٫ آذربايجان ايكييه بؤلونموش٫ قوزئي آذربايجان روسييانين٫ گونئي آذربايجان ايسه ايرانين ايداره سي آلتينا گئچميشدير. قوزئي آذربايجان ١٩١٨-١٩٢٠ نجي ايللرده آذربايجان دئموقكراتيك جومهورييتي آدي ايله باغليسيزليغيني الده ائتميش٫ گونئي آذربايجان ايسه ١٩٤٥-١٩٤٦ ايللرينده اؤز دؤولتيني قورابيلميشدير. تاسسوفله هر ايكي دؤولت يابانجي لارين باسقيسي نتيجه سينده اؤز ايستيقلالييت لريني الدن وئرميشلر. آذربايجان دئموقراتيك جومهورييتي سووئتلرين هوجومو ايله سووئره نليييني ايتيره رك س.س.ر.اي. تركيبينه قاتيلميشسا دا٫ ١٩٩١ نجي ايلده يئنيدن آذربايجان جومهورييتي اولاراق موستقيلليييني قازانميشدير. گونوموزده آذربايجان جومهورييتينده ٨ ميليون اهالي ياشايير. ايراندا بيتيشيك شكيلده ياشايان ائتنيك آذربايجانليلارين ساييسي ايسه ٣٠ ميليونا ياخيندير. تاسسوفله ايراندا ياشايان آذربايجانليلارين اؤلكه ده آنا ديللرينده تحصيل آلما ايمكانلاري يوخدور. ايران آوروپا اؤلكه سي اولماسا دا٫ آوروپا شوراسينين عوضوو اولان بير سيرا دؤولتلرين ايرانلا سيخ سيياسي٫ ايقتيصادي٫ عئلمي-مدني ايليشگي لري واردير و ايراندا ياشايان ٣٠ ميليونا ياخين آذربايجانلي (آوروپا اؤلكه سي اولان) آذربايجان جومهورييتي يوردداشلاري ايله عئيني ديل٫ معنوي و مدني دگرلري پايلاشير. اونلارين آنا ديلينده تحصيل آلما ايمكانلاري يارانيرسا٫ آذربايجان جومهورييتينده نشر ائديلن كيتابلار و مطبوعاتي اوخوما- و آذربايجانين آوروپا شوراسينا عوضو اولدوغو گؤز اؤنونه آلينيرسا- ميللي و آوروپا دگرلري ايله تانيش اولما٫ آوروپا دوشونجه و داورانيش بيچيميني داها آرتيق منيمسه مه ايمكانلاري دا تامين ائديلميش اولار. آوروپا شوراسي پارلامئنت آسئمبلئياسي ايراندا ياشايان ائتنيك آذربايجانليلار اوچون ايلك٫ اورتا و يوكسك مكتبلرين آچيلماسي دوغرولتوسوندا حؤكومتجه آتيلاجاق آدديملارين٫ بو اؤلكه نين لاپ بؤيوك ميللي آزليغينين ان تمل حاقلارينا گؤستريله ن سايغينين بير نيشانه سي اولاجاغينا اينانير. بو ندنله آوروپا شوراسي پارلامئنت آسئمبلئياسي مدنييت٫ بيليم٫ تحصيل كوميته سينين بو پروبلئمي آراشديراراق٫ حاققيندا آيريجا معروضه حاضيرلاماسيني تؤوصييه ائدير.
|
