|
آذربايجان ميللي جبهه سينين
ايرانداکي ۹–نجي پرزيدنت سئچکيلري حاققيندا
بيلديريشي!
عزيز هموطنلر!
سئچگي وظيفه
دگيل، حق دير!
دموکراتيانين چيچکلنمه سي هر بيرحاکميتين اينسان حقوقلارينا
صميمي حؤرمتله ياناشماغيندان اورتايا چيخير.
وطنداش
حقوقلارينا گلديکده، دموکراتييا حقوقلارينا اساسلانارکن، خالق،
حاکميته خدمت ائتمک اوچون دئييل، بلکه ده حکومت خالقا خدمت ائتمک اوچوندور.
بئله ليکله خالق دموکراتيک دؤولتين تبعه سي يوخ، آنجاق وطنداشي
ساييلير و اوراجان کي، دؤولت لر ميللت لرين حقوقلارين تامين ائدير،
وطنداشلار، دؤولته صداقتله ياناشير، آمما استبداد حاکميت لر قارشيسيندا،
ميللت لرين بوينونا بئله بير وظيفه دوشمه يير. ائله بونا
گؤره ده سئچگيلرده اشتراک ائتمک وظيفه دگيل، بلکه حق دير و بو حق بير
دموکراتيک حاکمييت ده ادا اولار کي، وطنداش! بوتون اينساني و ميللي
حقوقلارينا مالک اولسون.
عموميتله ۲۷
ايل ايران اسلام حاکميتينده، موجود آمارلارا گؤره فارس نشين ايالتلره
ايقتصادي، ايجتماعي، فرهنگي و علمي ساحه لرده
۷ برابر
آذربايجان ايالتلريندن آرتيق سرمايه صرف ائديلميشدير. بو مدت ده کيمليک
سيزليک بحراني اؤزرينده مبارزه آپاران ميللي و مدني فعاللاريميزين
چاليشمالاري قارشيسيندا چئشيتلي انگللر تؤره نيب دير. گونش پارتياسينا و
مجمع دانشگاهييانا و... نئچه ايل دير کي، رسمي فعاليت اجازه سي وئرمکدن
امتناع ائتميشلر. آذربايجان نشرياتي، سايتلاري، اؤزلليکله اؤزلرينه
لاييقجه سينه يئر آچان شمس تبريز
و اميد زنجان
و... روزنامه لري باغلاندي. ميللي مراسيملر ياساقلاندي، فعاللاريميز
تحقيره، اشکنجه و زندانلارا معروض قالديلار. سون
۸
ايلده ميللت لر تمدن لري شعاري آلتيندا اصلاحات آديله آذربايجان دان آرتيق
راي توپلايان آقاي محمد خاتمي و اونون دؤولتي اقتداردا اولان چاغي
خالقيميزي ديزه چؤکدوردولر.
باتي (غربي) آذربايجانا سيستيماتيک شکيلده غيربومي مهاجرت
لرين حياتا کئچيريلمه سي، هئچ شبهه اولمادان آشکارا سياسي مقصد داشايير.
بو چيرکين هدفي پلانلاشديران پان ايرانيست لر و اونلارين اربابلاري
ساييلان امپرياليستلر دير. تاسفله اسلام حاکميتي آشکارا بئله بير چيرکين
حرکتدن حمايه ائدير.
منطقه ده ايران حاکميتي نين ارمنستان دؤولتينه يارديملاري
سبب اولموش کي، قوزئي آذربايجانين
۲۰
فايض سون اشغال اولونموش تورپاقلاري هله ده ارمني
داشناک تروريستلري نين اشغالي آلتيندا قالسين. بير ميليون
دان آرتيق قوزئئي ده کي باجي قارداشلاريميز هله ده اؤز يورد و يووالاريندان
اوزاقدا قالميشلار. بوگون قاراباغ مسئله سي بوتون دونيادا ياشايان
آذربايجانليلارا ميللي فاجعه دير. بو ساحه ده، ايران دؤولتي نين ضد
آذربايجان سياستلرينه گؤز يومماق غير ممکون دور.
آذربايجان ميللت وکيل لريندن، آيدينلار و چئشيتلي قشرلر،
عدالت سيزليک لره سون قويماق اؤزرينده دفعه لرله پرزيدنت خاتمي يه و باشقا
اؤلکه مسئوللارينا اعتراض مکتوبلاري گؤندرميشلر. تاسفله حاکمييت باشچيلاري
نين سوسوب و رسمي تحريم سياستلري، هابئله فعاللاريميزا تهليکلي و باغلي بير
آتمسفرين ياراتمالاري هامييا آيدين دير.
ميللي وارليغيندان محروم قالان آذربايجانليلار داها بوگون
آناياسانين معين ماده لرين حياتا کئچيرمک تمناسيندا دئييللر. اونلارين
حاکميت لره اعتمادسيزليغي سبب اولموش کي، اؤزلري- اؤز مقدراتيني الده
ائتمکي جدي شکيلده گونده ليک مسئله يه چئويرسينلر!
پرزيدنت سئچگيلري نين
۹-
نجي دوره سي عرفه سينده ييک. ۸
نفر نامزدلر آراسيندا آذربايجان ميللي حرکتيندن کيمسه گؤزه چارپمير. موجود
فاکتلارا گؤره ايران حاکميت لري دموکراتيايا بيگانه اولاراق، ميللي
حقوقلارا ياناشماقدان عاجز قالمالاري مطلق ثبوت اولونموشدور. بو گونه ده ک
آذربايجان تورکونه اعمال اولونان تبعيضلرين آغير ضربه لري، گله جک
نسيللري ده تهديد ائدير.
آذربايجان ميللي جبهه سي، عزيز هموطن لريميزي و قايغي کش
باجي و قارداشلاريميزي، ميللي اعتراض اولاراق پرزيدنت سئچکيلرينه
قاتيلماماغا چاغيرير. بلکه خالقيميزين حاق سسين ائشيدمک ايسته مه ينلر،
بو دفعه بو اوجا سسي ائشيدمه يه مجبور اولسونلار!
آذربايجان ميللي جبهه سي
۰۵⁄۰۶⁄۲۰۰۵
ايسوچ-مالمو
|
