|
آذربايجان ميللی جبهه سينين ايرانداکی ۱۰– جی پرزيدنت سئچکيلری حاققيندا مراجعتی!
عزيز وطنداشلار! ۳۱ ايلديرکی، ايسلام حاکيميتی نين آپارتايد سياستی آذربايجان تورکونو اؤز ميللی وارليغيندان اوزاقلاشديراراق، دؤزولمز وضعيت ده ياشاماغا محکوم ائتميشدير. يوزلرله آجی حادثه نی بيرداها خاطيرلاماغا گرک يوخدور. آنجاق، ۲۰۰۶- جی ايل مای آيی نين ۲۲سينده ۳۵شهر و شهرجيک ده خالقيميزين حاق سسلری قانلا بوغولدی. هله ده آذربايجانين ميللی و مدنی فعالارینا ديوان توتولور.نهايت آنا ياسانين قانونلارينی اجرا ائتمک مقصديله، «آذربايجان نامنه» ايلک دفعه اولاراق،۲۰۰۹– جی ايل مارت آينين ۱۰دا تبريزدن جمهور باشقانليغينا سويداشيميز اکبر اعلمی نين نامزدليگی ايرلی سورولدی. موجود رژيمين اکبر اعلمی جنابلارينا صلاحيت وئريلمه مه سی تصادفی حال دئييل محض اسلام آدی داشايان رژيمين آپارتايد سياستی نين دوام ائتمه سی آيدين گؤرونور. عزيز وطنداشلار!
پرزيدنت سئچگيلری نين ۱۰- جی دؤره سی عرفه سينده ييک. بوتون فاکتلاری نظره آلاراق،
ميللی وارليغيندان محروم اولان آذربايجانليلار داها بوگون آنا ياسا سی نين معين
ماده لرينی حياتا کئچيرمک آرزوسوندا دئييل. اونلارين حاکيميت لره اعتمادسيزليغی،
اؤز- اؤزلری نين مقدراتينی الده ائتمک فيکيری جيدی شکيلده گونده ليک مسئله يه
چئويريلمه سينه سبب اولموشدور.
آذربايجان ميللی جبهه سی
( AMC)
|
