|
آذربايجان ميللی جبهه سی نين تشکيلات مسئولو نون آمريکا گؤروشلری!
آذربايجان ميللی جبهه سی نين تشکيلات مسئولو ميرموسی هاشمی، جاری ايل آپريل آيی نين سونلاريندا، ايکی هفته ليک آمريکا سفرينده، جنوبی آذربايجانين ديپلماتيک کمسيون مسئولو، دوکتورعليرضا نظمی نين قوناغی اولدو. آمريکادا ياشايان بيرعده آذربايجانلی ضيالیلاری ايله گؤروش لر آپاريلدی. گونئی آذربايجان تورکلری نين ميللی حقوقلاری، ايران اسلام حاکميتی نين غيردموکراتيک قووه لری طرفيندن تاپدالانماسی وبو قووه لر طرفيندن، آذربايجان فعاللارينين اؤلومه، زندانا، اشکنجه يه معروض قالماسی حاققيندا دا بشرحقوقلاری مسئوللاری ايله فايدالی دانيشيقلار اولموشدور. بيرلشميش ميللتلر و اؤزلليکله آمريکا طرفيندن تنقيد آتشينه توتولان ايران حاکميتی نين غيردموکراتيک رژيمی و اؤلکه نين آجيناجاقلی وضعيتی گونده ليگين اساس مسئله سی اولدو. داها سونرا سئککيز ايل دوام ائدن ايران- عراق ساواشيندان صحبت آچيلدی. هاميميز بيليريک کی، آذربايجان خالقی اؤزصلح سئورليگی ايله هرزامان بوتون خالقلاردان سئچيليب. آمما بو و يا ديگر سبب لردن خالقيميز ساواشلاردا ايشتراک ائتمک مجبوريتينده قاليب. ائله گؤتورک ايران- عراق ساواشينی. بو ساواش دا خالقيميزآغير مادی، معنوی و اينسانی ايتگيلر وئردی. مگر آذربايجان ميللتی بو ساواش دا ايشتراک ائتمک ايسته ييردی می؟ البته کی يوخ!!! آذربايجان ميللتی نين مقصدی خارجی اؤلکه لرله دوستلوق و قارداشليق مناسبت لرينی گئنيش لنديرمک دير. بو يونده دوام ائدن گئنيش وچئشيتلی گوروشلر نتيجه سينده مثبت فيکيرلر ايرلی سورولدو. آذربايجان ميللی جبهه سی 15-05-2008 مالمو- ايسوچ
|
