|
سعادت قاپيلارين آچمالييق! جاری ايل ارديبهشت آیی نين 22 سينده، ايران اسلام دولتينين رسمی اورگانی ساييلان «ايران روزنامه سی» نين، تورکلره قارشی تحقير آميز حرکتی هامييا و هاميميزا بيرداها ثبوت ائتدی کی، حاکيميت داخلينده يووا سالان پان ايرانيست لرين ميللتيميزه قارشی، عنادچيليقلاری بيرينجی دفعه دئييل و سونونجودا اولموياجاق دير. ميللی وارليغيميزين کئشيگينده دايانان، آذربايجان اولادلاری خصوصی ايله« انيورستت لرده تحصيل آپاران گنجلريميز» ، بو نئچه گونده سونسوز نفرت و اعتراضلارين «آپارتايد» سياستين اعمال ائدنلره اوجا سس و مؤحکم اراده ايله، مدنی شکيلده بيلديرميشلر. خصوصيله مدنيت بئشيگی ساييلان تبريزده اون مينلر نفر وطنداشلارين ايشتراکی ايله جاری ايل خرداد آينين بيرينده خياوانلاردا اعتراض يوروشلری کئچيريلدی. بيز آذربايجان ميللی جبهه سی اولاراق، ميللتيميزه قارشی آپاريلان بوتون ضداينسانی حرکتلری محکوم ائديب و عامللرينه دريندن نفرتيميزی بيلديريريک. هابئله ائلينه، اوباسينا صادق قالان، غيرتلی آذربايجانلی باجی و قارداشلاريميزی، ميللی اعتراضلارينا گؤره آلقيشلاييب و اونلارين مدنی شکيلده جانلانان ميللی حرکتين، وار و قووه ميزايله حمايه ائديريک.
عزيز وطنداشلار!
آذربايجان ميللي جبهه سي
|
