|
آذربايجان ميللي جبهه سي، ايرانداکي باشقا مليت لر
توپلوموندا عضو اولماسيني تکذيب ائدير!
عزيز هموطنلر!
عموميتله، آذربايجان ميللي جبهه
سي (AMC) ايرانين مرکزي حکومتين ساليب و بو اؤلکه ده
فدرال حکومت يارانماقي اؤز تکليفي اساسنامه سي نين پرنسيپ لري ايله ضيد گؤرور.
آذربايجان ميللي جبهه سي نين
مقصدي، اينسان حقوقلارين اساس توتاراق بين الخالق اولچولره دايانيب، گونئي
آذربايجانين تاريخي تورپاقلاريندا، آذربايجان ميللتي نين اراده سي ايله اؤزو –
اؤز طالعين الده ائتمه سيندن عبارت دير.
۲۰۰۵-نجي
ايل فورال آيي نين
۱۹دا لندن ده تام بو
موضعدن چيخيش ائتديک.
تاسفله يوخاريدا قيد اولونان،
لندن اجلاسينين بعضي اشتراکچيلاري آراسيندا ياراماز پرده آرخاسي سياستلر دويدوق.
ائله جه بو کئچن آيلاردا آذربايجان ميللي جبهه سي نين آدي، غير دموکراتيک شکيلده «جبهه ملل براي
حق تعيين سرنوشت(ايران) و کنگره مليت هاي ايران فدرال» توپلوملاريندا سياسي قولانماسي نين شاهدي اولدوق.
بو بيلديريشين گئج
وئريلمه سي نين بللي سبب لري وار. بو واسطه ايله آذربايجان ميللي جبهه سي نين آدي
هر هانکي بير توپلومدا قيد اولوب و عضو اولماسي کسکين ليکله، رسمي شکيلده تکذيب
اولونور!
بيز مبارزه ائتديکده اليميزه
سلاح آليب عصيان ائتمگ نييتينده يوخ، بلکه اؤز خالقيميزين توکنمز گوجونه و
سارسيلماز اراده سينه داياناراق، مدني و سيويل يوللارلا، ميللي مبارزه ني مستقيل
استقامتده دوام ائتمگه اينانيريق.
آذربايجان ميللي جبهه سي
۲۰⁄۰۵⁄۲۰۰۵
ايسوچ-مالمو
 |