|
آذربايجان ميللي جبهه سي نين نوروز بايرامي مناسبتيله تبريکي
عزيز
هموطنلر!
ميللتلرين تاريخينده ائله اهميتلي گونلر وارکي، ماهييتي اعتباري ايله ميللتين
ميللي روحو ايله عيني لشميش دير. ميللت اؤز حالالليق آنلاييشيني، دوروستلوک
و سئوينج حيس
لريني بو گونه يوکله ميشدير. مين ايللر بويونجا ميللتين تاريخي خاطره لرينده
ياشايان بو گونلر ميللي کيملييين عمله گلمه سينده ده مثبت رول
اوستله نير. مثلا بير ميللتين باغيمسيزليق
گونو بو نوع اؤنملي گونلردن بيري سي دير.
اورتاق تورک تاريخي نين و مدنييتي نين رمزلريندن بيري اولان بو گونلرين
بيري ده نوروز بايرامي دير. طبيعتين تئزه لنمه سي ايله عيني زاماندا
اينسانلارين مناسبتلري ده تئزه لنمه لي و کهنه ايلده کي خوشا گلمز حاديثه لر
يئني ايله داشينماماليدير. کهنه ايلده گؤمولوب قالمالي دير. بو سببله ده
نوروز بايرامي ايله باغلي اولاراق تورک دونياسيندا، اؤزلليکله (خصوصيله)
آذربايجاندا بير چوخ خالق دئيملري، رقصلر، اويونلار يارانميشدير. بوتون بو
عنعنه لريميزين کؤکو ايسه آذربايجانين اسکي(قديم) تاريخينه دايانماقدادير.
آذربايجان ميللي جبهه سي نوروز بايرامي نين آذربايجان تاريخينده کي اهمييتي نين
فرقينده اولاراق بو عزيز گونده ميللتيميزين سئوينجينه شريک اولور. بو عزيز
گون مناسبتي ايله ميللتيميزي اورکدن تبريک ائدير و يئني ايلين ميللتيميزه
خئيرلي، اوغورلو اولماسيني آرزو ائدير. بو بايرام تبريک ميزي نوروزلا باغلي
اولاراق يازيلميش خالق ياراديجيلغي بير باياتي ايله پايلاشيريق:
قار ياغيب دير ديزه جن
باکييدان تبريزه جن
گؤزله ييرم يولونو
گه لن ايل نوروزاجان
آذربايجان ميللي جبهه سي
۲۱⁄۰۳⁄۲۰۰۵
ايسوچ-مالمو
 |
