|
حورمتلي وطنداشلار! بيلديگينيزکيمي ۱۳۲۴-نجي گونش ايلي نين شانلي۲۱ آذر گونو عرفه سينده- ييک. اوزون ايللر، ايراندا پهلوي حاکميتي نين عدالتسيز آتشينده يانان آذربايجان ميللتي، ظلم قارشيسندا آياغا قالخيب بو تاريخي گون، آذربايجان دموکرات فرقه سي نين قوجامان رهبري، خالق خاديمي ميرجعفر پيشه وري واونون مسلکداشلاري، دموکرات فرقه سي نين رهبرليگي آلتيندا اؤز مقدراتلارين الده ائتمکله گونئي آذربايجانين ميللي حکومتين ياراتديلار.خالقيميز
بير ايل اؤز مدني،
ايجتماعي،
ايقتصادي
وسياسي
حياتلارينا
حاکم اولدو.
بو مدتده
ايرانين
مرکزي
حکومتي نين
آغير
تضييقلرينه
باخماياراق،
بوتون ساحه
لرده انکشاف
استقامتينده
گونو- گوندن
ايره لي له
ييردي. وبو
غلبه
دوستلاري
سئوينديريب
ودشمنلري
خصوصي ايله
ارتجاع قووه
لرين ناراحت
ائديردي. بو
ميللي
وتاريخي گون
بوتون
وطنداشلاريميزا
مبارک
اولسون. تاسفله مرکزي حکومتين مرتجعلري قاباقدان خاريجي مستبد دولتلرين حمايتين الده ائتديکدن سونرا ۱۳۲۵- نجي گونش ايلينين آذر آيي، آزاد سئچيملر بهانه سي ايله آذربايجانا قوشون حيصه لري يئريديب و آذربايجانين جوان ميللي حکومتين قانلا بوغدو. بؤيوک آرزولارلا يانان آزادليق مشعلي يئني دن سوندو. قارا ترورلاردا، دار آغاجلاري آلتيندا، قارانليق زندانلاردا، اشکنجه لرله مظلوم خالقيميزا ديوان دوتولدو. بوغيراينساني ودهشتلي يوروشلرده چئشيتلي قايناقلارين ورديکلري معلوماتا گؤره شهيدلرين سايي ۴۰ مين نفرچئوره سينده قيد اولموشدور. اينانيريق کي، تاريخ بيرنسلين گؤز ياشلارين، آه و فرياديني اونودماياجاقدير. آذربايجان ميللي جبهه سي درين حيس ايله بوتون شهيدلريميزه اولوتانري دان رحمت ديله يير و جنايتکاري قيناييب واؤز نفرتين بيلديرير. عزيز وطنداشلار! ۱۳۲۴-نجي ايلين شانلي۲۱ آذر گونوندن بوراخيلان تاثيرلردن بير نئچه سين بئله دئمک اولار:۲۱ آذر آذربايجان ميللتي نين ميللي حرکتي نين جانلي تاريخي دير!۲۱ آذر آذربايجان تورکلري نين ميللي وارليغينا خور باخانلارا اتهام نامه دير!۲۱ آذر ميللي شعورون جانلانماسيندا، ميللي اسارته سون قويماقدا، ميللي آزادليقا چاتماقدا ان يوکسک رول اويناياجاقدير!
آذربايجان
ميللي جبهه سي
|
