|
جاري ايلين نوامبرآيي نين
۱۵
ده سحرچاغي ايسوچ واختي ساعات ۳۰⁄۶
راده لرينده
گونئي آذربايجانين گؤرکملي سيمالاريندان اولان،
حياتيني
وطنينين
ايشيقلي
گله
جگينه،
آناديلي، تاريخي،
مدنيتي نين برپاسينا صرف ائدن، تانينميش سياستچي، ايجتماعي خادم ونهايت حاق- عدالت
يولچوسو، گونش پارتياسي نين صدري منوچهر عزيزي آوروپايا ايش گزار سفره
گله رکن، تهران هاوا ليمانيندا ايران حاکميتي طرفيندن مسافرتي نين قارشيسي
آلينميشدير.
آذربايجان ميللتي نين يالنيز- يالنيز حقوقلارينين قايتاريلماسينا چاليشان
عزيزي جنابلاري بوگون آوروپا مسافرتيندن مقصدي يئني يارانان آذربايجان ميللي
جبهه سي ايله گؤروشوب، خالقين ميللي حقوقلارينين قاييتماسي حاققيندا دموکراتيک
چيخيش يوللاري نين آختاريلماسي ايدي. تاسفله، ايران حاکميتي، راديکال يوللارلا بو
شخصيتي تحقير و روحي اشکنجه يه معروض قويماقلا دونيايا دمکراتيادان حق- عدالت ده ن
چوخ- چوخ اوزاقدا اولدوغونو بيرداها ثبوت ائتميش اولدو. اصلينده منوچهر عزيزي
نين آوروپا گؤروشلري گؤنئي آذربايجان اوچون اوغورلو اولارکن، ايران حاکميتتي
نين ده ضدينه آتيلان بير آدديم دئييلدي. بلکه ده او جغرافيادا مدني حرکتلرين
چيچکلنمه سينه داها فايدالي اولا بيلردي.
AMC
فعاليتين ايران چرچيوه سينده مدني وعلني شکيلده دوام ائدير. وبونا
گؤره ده گونش پارتياسي بيزلرله يول يولداشي اولوبدور. تاسفله حاکميت ايچرسينه
سوخولان شونيستلر بئله ياراماز حرکتلره ال وورماقلا، چاليشيرلار آذربايجانليلارين
مدني حرکتلرين راديکال ايستقامته سوق ائدسينلر. وبئله غير انساني داورانيشلار ائليه
بيلر خصوصا آذربايجان تورکلري نين گنج نسلي ايچرسينده حاکميت اوچون منفي
تاثيريارادسين. بوناگؤره
AMC
درين بير تاسف حيسي ايله بو بياناتي وطنداشلاريميزا و بوتون آزاديخواه انسانلارا
چاتديرير.
آذربايجان ميلي جبهه سي بوگؤن دونيانين هر بير يئرينده ياشايان، ميللتدن آسيلي
اولماياراق حاق- عدالت اوچون، عمرونو انسان حقوقلاري نين برپاسينا صرف ائدن
انسانلاردان واورگانلاردان تاکيدله خواهش ائديرکي، دموکراتياني اوجا توتاراق، ايران
دولتيندن آشاغيدا گؤستريلن ايکي مطلبي طلب ائدسينلر:
۱. منوچهر عزيزي نين جانينين قورونماسي و اونون خارجه مسافرتينه يول وئريلمه سي.
۲ .ايران
حکومتي، گؤنئي آذربايجاندا ميللي، مدني وانسان حقوقلاري نين دمکراتيک حرکتلرينده
چتينليکلر تؤره دمه سين.
آذربايجان ميللي جبهه سي
۱۵⁄۱۱⁄۲۰۰۳
ايسوچ-مالمو
 |
