عزيز هم يئرلي لريميز، باجي و قارداشلار!

سوينديريجي حالدير کي، بو گون قلبينده اودلار يوردونون رمزيني گذديرن و بو اودون ايستيسيندن آلولانان هر بير آذربايجانلي اوزونو وطني نامينه فدا ائتميش اولو بابکي ياد ائتمک اوچون بز قالاسينا توپلاشيبلار.
بيز فخر ائديريک کي، اولو بابکين آدی محز آذربايجان تاريخينين صحيفه لرينده ايشيقلانديريب. بيز فخر ائديريک کي، ايندی هر بير آذربايجان اولادی بابکي تانيير. اونون قدرتيندن الحام آلير. اونون يولونو دوام ائتمک عظمينددير.
بو گون بيز بونون جانلي شاهيدي اولدوق. سوينيريک کي، ائليميزين آزادليغي، رفاهي اوغروندا اوزونو فدا ائتمک ايستين گنجلريميز چوخدور. بو حقيقتن تقديره لاييقدير.
آمما بيز، مبارزه ميزی سلاح لا يوخ، سوزله، قلم له ايره لي سورمه لييک. بو يولدا هئچ بير انسانين قانينين آخيديلماسينا راضي دئيليک. بيز صلح له ايره لي لجييک و بو يولدا مطلق غاليب گله جييک.چونکو يولوموز حق- عدالت يولودور.
افسوس لار اولسون کي، بيزيم چيلغين(ايستي قانلي) گنجلريميز يولونو آذديران، اونلاری چاش باش سالان، دشمنليک آمالي ايله بو يولو لکه لين موجودلاردا آراميزدا آز دئيل.
آمما بيز ايزين وئرمملييک کي، بئله موجودلار اوز پرنسيپلريني يوروتمک اوچون گنجلريميزين چيلغينليغيندان استفاده ائتسين.
بيز گنجلره دوز يول گوسترملي، اونلاري صبر و دوزگونلوک له حرکت ائتمه يه دعوت ائتمه لييک. اونلاری تحليکه لي حرکت لردن چکينديرملييک. بو بيزيم ان اونملي مسئله ميزدير.
بيز حقوق لاريميزي يالنيز صبرلي اولماقلا قازانمالييک. گلين آتالاريميزين کلاميني اونوتماياق دئير:..."اييدين اييددن اوستون لويو اونون صبرلي اولماسيندادير"..
عزيز وطنداشلاريميز! بونو بيلين کي، حق هاراداديرسا عدالت ده اورادادير.
بيز بير داها بابکين دونيايا گوز آچماسي مناسبت ايله ائل اوغول و قيزلاريميزی تبريک ائديريک. حق يولوموزدا گوی تانري بيزه يار اولسون!..آمين!

آذربايجان ميللي جبهه سي
۰۹⁄۰۷⁄۲۰۰۳
ايسوچ - مالمو