آذربايجان ميللي مجلسي،۲۱ آذر گونو (۱۳۲٤- جي ايل) گون اورتادان قاباقکي جلسه سينده آذربايجـان دموکـرات فـرقـه سينين رئيسي آقاي پيشه وري ني، آذربايجان ميللي  دولتيني تشکيل وئرمه يه نامزد و مامور ائتدي. آقاي پيشه وري گون اورتادان سونراکي جلسه ده اوز کابينه سيني آشاغيدا قيد اولان ترتيب اوزره ميللي مجلسه معرفي ائتدي؛

باش وزير، آقاي پيشه وري

داخله وزيري، آقاي سلام اله جاويد

خالق قوشونلاري وزيري، آقاي کاويان

فلاحت وزيري، آقاي دکتر مهتاش

معارف وزيري، آقاي محمد بي ريا

صحييه وزيري، آقاي دکتر اورنگي

ماليه وزيري، آقاي غلامرضا الهامي

عدليه وزيري، آقاي يوسف عظيمي

يول، پست، تلگراف و تلفن وزيري، آقاي کبيري

تجارت و اقتصاد وزيري، آقاي رضا رسولي

ايش و زحمت وزيري تعيين اولونانا کيمي او وزارتخانايا مربوط اولان ايشلره، باش وزيرليک نظارت ائده جکدير٠

کابينه معرفليک اولدوقدان سونرا اتفاق آراء ايله تصويب اولوب، سونرا مجلس طرفيندن آقاي زين العابدين قيامي ديوان تميزين (ديوان عالي) رياستينه و آقاي فريدون ابراهيمي آذربايجان مدعي العموميلليينه (دادستان کل) انتخاب اولدولار٠